Take Action

Take the step to reduce, reuse and recycle

What we can do as …

 

ކާބޯތަކެތިން އުފެދޭކުނި މަދުކުރުމަކީ ކޮންމެހެން ކުރަންޖެހޭކަމެވެ. ކާބޯތަކެތިންއުފެދޭ ކުނި މަދުކުރުމުން އިގްތިސާދީ ގޮތުން ފައިދާވެ، އާންމުންގެ ސިއްހަތަށާއި ތިމާވެށްޓަށް ލިބޭގެއްލުންތައް ކުޑަކުރުމަށް އެހީތެރިކަން ލިބެއެވެ. ކާބޯތަކެތިން އުފެދޭ ކުނި އެއްކޮށް ނައްތާލުމަކީ ކުރެވޭނެ ކަމެއް ނޫނެވެ. މިގޮތުން ބިސްތޮށި، ކަރުގޮހޮރު، ތަރުކާރީތޮށި ފަދަތަކެއްޗަކީ އުކާލަންޖެހޭ ތަކެއްޗެވެ. ކާބޯތަކެތިން އުފެދޭ ކުނިން ކާދު ތައްޔާރުކުރުމަކީ ހެޔޮގޮތުގައި ކުނި މެނޭޖްކުރުމަށް ކުރެވިދާނެ ކަމެކެވެ. މިގޮތަށް ފަނާވާޒާތުގެ ކުނި ބޭނުންކުރުމުން އާއްމުންގެ ސިއްހަތަށާއި ތިމާވެށްޓަށް ކުނީގެ ސަބަބުން ލިބޭގެއްލުން ކުޑަކުރެވެއެވެ.

ގެއިން ކުނި މަދުކުރެވޭނެ ވަރަށް ގިނަ ގޮތްގޮތް ހުންނާނެއެވެ. ތިރީގައި މިވަނީ މިގޮތުން ކުރެވިދާ ބައެއް ކަންތައްތަކެވެ.

  1. ބާޒާރުކުރަން ފޮތި ކޮތަޅު ބޭނުން ކުރާށެވެ. ކޮންމެ ފަހަރަކު ބާޒާރަށް ދާއިރު ފޮތި ކޮތަޅު ގެންދަން ހަނދާން ނެތޭނަމަ އަތްދަބަހުގައި ކޮތަޅެއް ގެންގުޅޭށެވެ. ނޫންނަމަ ފަތްޖަހާ ކުޑަކޮށްލެވޭ ވަރުގެ ފޮތި ކޮތަޅެއް އަތްދަބަސް ތެރޭގައި އަބަދުވެސް ބާއްވާށެވެ.
  2. ކޮންމެހެން ބޭނުންވާ ވަރަށްވުރެ އިތުރަށް ނުގަންނާށެވެ. މަދު އެތިކޮޅަކުން ފުއްދައިގެން އުޅެން އާދަކުރާށެވެ. އަދި ގޭތެރޭގައި ގިނަ ދުވަހު ބޭނުން ނުކޮށް ހުންނަ ތަކެތި ރިސައިކްލ ކުރާށެވެ.
  3. ގެއަށް ބޭނުން ވާ އެއްޗެހި ގަންނައިރު ވިހާވެސް ކުޑަކޮށް ބަންދުކޮށްފައި ހުންނަތަކެތި ގަންނާށެވެ. ތަރުކާރީ އާއި މޭވާ  ސުޕަރ މާކެޓުން ގަތުމަށްވުރެ ލޯކަލް މާރުކޭޓުން ގަތުމުން ޕެކޭޖިން ކުޑަވާނެއެވެ.
  4. ކުދިންނަށް ހަދިޔާ ގަންނައިރު، އެކުދިން ބޭނުންވާ ތަކެތި ދޭން އާދަކުރާށެވެ. އޭތިމީތި ދިނުމުން އެކުދިން ބޭނުމެއް ނުކުރާނެއެވެ. އަދި ކުނީގެ ގޮތުގައި އުކާލަން ޖެހިދާނެއެވެ. އެއްފަހަރު...